Ўзбекистон ва Ҳиндистон сунъий интеллект соҳасида ҳамкорлик қилади
Ҳиндистоннинг "Larsen & Toubro" (L&T) компанияси Ўзбекистонда сунъий интеллектни қўллаб-қувватловчи ва қуввати 10 мегаваттга тенг бўлган биринчи барқарор маълумотларни қайта ишлаш марказини қуриш лойиҳасини амалга оширади.
Тошкент шаҳрида ҳаётга тадбиқ этиладиган лойиҳа янги авлод сунъий интеллект иловаларини қўллаб-қувватлаш, атроф-муҳитга таъсирни минималлаштириш ва энергия самарадорлигини ошириш мақсадида илғор имкониятлар билан жиҳозланган замонавий объектни лойиҳалаш, технологиялар харид қилиш ва қурилиш ишларини бажаришни ўз ичига олади.
"Larsen & Toubro" (L&T) муҳандислик компанияси томонидан тарқатилган хабарда мазкур лойиҳа «муҳим» буюртма деб аталган.
Маълумотлар маркази илғор хавфсизлик технологияларидан фойдаланган ҳолда конфиденциал маълумотларни ҳимоя қилиш бўйича мустаҳкам тизимлар билан жиҳозланади, дейилади компания баёнотида.
Лойиҳа минтақадаги маълумотлар марказлари инфратузилмаси учун янги стандартларни жорий қилади, илғор технологияларни барқарорликка бўлган қатъий интилиш билан уйғунлаштиради.
<iframe width="560" height="315" src="https://www.youtube.com/embed/heGOTNlkiP8?si=o1A_8PKIb9RFjMUK" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Мадинабону Насриева, Улуғбек Тўхтаев, ЎзА
