Майнинг қызметіне рұқсат беретін ұйым белгілі болды
Өзбекстанда майнинг қызметіне рұқсатты Перспективті жобалар агенттігі береді.
Крипто-активтердің айналысы саласындағы лицензиялау және авторизациялау рәсімдері жетілдірілетін болады.
Мемлекет басшысы қол қойған заңмен кейбір құқықтық құжаттарға толықтырулар мен өзгертулер енгізілді.
«Мемлекеттік баж туралы» заңға енгізілген өзгеріске сәйкес, крипто-активтер саласындағы қызметтерді жеткізушілер ретінде қызмет көрсетуге лицензия алған заңды тұлғалар перспективалық жобалар жөніндегі ұлттық агенттік айқындаған мөлшерде және тәртіпте мемлекеттік баж салығын төлейді.
«Лицензиялау, рұқсат беру және хабарлау рәсімдері туралы» заңға енгізілген өзгертуге сәйкес, майнинг қызметіне рұқсатты Перспективті жобалар жөніндегі ұлттық агенттік береді.