Ҳуқуқий давлат: қоғозлардаги идеаллик ҳаётга кўчганида (+видео)
Жамиятда адолат тушунчаси кўпинча суд залидан бошланади деб ўйлаймиз. Аслида эса у инсон онгидан, ҳуқуқий маданиятдан ва тизимга бўлган ишончдан бошланади. Адвокатнинг мустақиллиги, суднинг холислиги, айбсизлик презумпцияси, тарафларнинг тенглиги – булар шунчаки процессуал нормалар эмас, балки давлат ва фуқаро ўртасидаги ишонч кўпригидир.
Ўзбекистонда суд тизими, улардаги ОАВларининг иштироки ва адвокатлар фаолияти ҳақида "Verum Law firm" адвокатлик фирмаси адвокати Шоҳжаҳон Шомуродов билан "Бирга бир" гаплашамиз.
<iframe width="650" height="420" src="https://www.youtube.com/embed/2CYUw4olrYc" title="Huquqiy davlat: qog‘ozlardagi ideallik hayotga ko‘chganida" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Ҳуқуқий онг паст бўлган жойда қўрқув пайдо бўлади. Қўрқув бор жойда эса ҳуқуқ эмас, “йўлини топиш” маданияти устун келади. Натижада тизим ишлаётгандек кўринади, лекин ишонч емирилади.
Адвокатга босим ўтказиш, суд жараёнларининг ёпиқ ўтиши ёки оммавий ахборот воситаларининг ҳукмни олдиндан шакллантириши – буларнинг барчаси жамиятда адолатга бўлган ишончни синовдан ўтказади. Ишонч йўқ жойда эса ҳуқуқий давлат ғояси заифлашади.
Ҳуқуқий саводхонлик шунчаки қонунларни билиш эмас. Бу ўз ҳуқуқини англаш, ундан фойдаланиш ва тизимга ишониш маданиятидир. Ҳақиқий ислоҳотлар қоғозда эмас, онгда бошланади.
Зиёвуддин Нуриддинов, Дониёр Якубов,
Анвархўжа Аҳмедов, ЎзА
