Хитойнинг ортиқча салоҳияти янги инқироз келтириб чиқарадими?
Хитойнинг рекорд даражадаги экспорти ва савдо даромади жаҳон иқтисодиёти учун хавфни тобора орттирмоқда, деб ёзди “Foreign Affairs” нашри.
2025 йил Хитойнинг соф фойдаси қарийб 1,2 триллион долларга етди. Бу кўрсаткич дунё савдосига нисбатан анча тез ўсишни англатади.
Нашр ёзишича, ишлаб чиқариш ва экспортни ривожлантиришга асосланган Чин модели анча вақтдан бери мамлакатга иқтисодий устунлик тақдим этиб, дунёни арзон маҳсулот билан таъминлаб келмоқда. Бинобарин, бошқа мамлакатлар ўз саноати тобора кучсизланиши ва Хитой таъминотига қарамлик юзага келишига чидамаяпти.
Агар жаҳон бозори ўсиб бораётган Хитой экспортини ўзлаштиришдан тўхтаса, Пекин ортиқча салоҳиятга дуч келади. Бунга жавобан мамлакатлар мутаносиб чорани кучайтириши мумкин Оқибатда савдо бузилиши ва янги глобал иқтисодий инқироз учун шароит юзага келиши мумкин.
С.Раҳимов, ЎзА
