Гандбол: Өзбекстанның U-18 және U-20 құрамалары әлем чемпионатына жолдама алды
Пәкістанның Фейсалабад қаласында Халықаралық гандбол федерациясы (IHF) аясында өткен «Men’s IHF Trophy Zone III» халықаралық турнирі Өзбекстан құрамалары үшін сәтті аяқталды.
2027 жылғы әлем чемпионатына жолдама беретін бұл жарыс U-18 және U-20 жас санаттары бойынша ұйымдастырылды. Оған Тәжікстан, Қырғызстан, Пәкістан, Қазақстан және Өзбекстан құрамалары қатысты.
Айта кетерлігі, топтық кезеңдегі үш кездесудің бәрінде жеңіске жеткен Өзбекстан құрамасының қос жас санатындағы гандболшылары да финалға шығып, алтын медаль үшін күресті.
Кеше «Men’s IHF Trophy» халықаралық турнирінің финалында Өзбекстанның U-18 құрамасы Қазақстан командасымен кездесті. Кездесу Өзбекстан құрамасының 35:18 есебімен жеңісімен аяқталды.
U-20 құрамалары арасындағы финалдық кездесуде де Өзбекстан гандболшылары алаң иелері – Пәкістан командасымен күш сынасты.
Жергілікті жанкүйерлердің қолдауына қарамастан, Өзбекстан гандболшылары Пәкістан құрамасын 42:32 есебімен ұтты.
Осылайша, Өзбекстанның қос құрамасы да турнирдің алтын медалін жеңіп алып, 2027 жылғы әлем чемпионатына жолдама алды.
