Форс кўрфази орқали нефть экспорти 75 фоиз тикланди
“Bloomberg” агентлиги хабар беришича, АҚШ ва Эрон ўртасидаги оралиқ келишувдан бир ҳафта ўтгач, Форс кўрфази орқали нефть экспорти урушдан олдинги даражанинг камида 75 фоизигача тикланган. Маълумотга кўра, ҳозир минтақадан кунига тахминан 13 миллион баррель нефть экспорт қилиняпти.
Ваҳоланки, ижобий ўзгариш таъминот тўлиқ тикланиши эмас, балки қамал ва йўл ёпилиши оқибатида тўхтаб қолган танкерларда тўпланган юк олиб чиқилиши билан боғлиқ. Масалан, бир неча ой ҳаракатсиз турган 13 танкер Эроннинг Чобаҳор шаҳри портидан 23 миллион баррель нефть билан жўнаб кетган.
С.Раҳимов, ЎзА
