Европа Иттифоқи Арманистон билан ҳамкорликни кучайтирмоқчи (+видео)
Еврокомиссия раиси Урсула фон дер Ляйен келаси ҳафта Арманистонга ташриф буюриб, бош вазир Никол Пашинян билан музокара ўтказади, деб хабар берди Euronews нашри
Ташриф Пашиняннинг яқинда бўлиб ўтган парламент сайловларида ғалаба қозониб, яна бош вазирлик лавозимига сайланганидан кейин амалга оширилмоқда.
Сайловлар арафасида Европа Иттифоқи Арманистонни қўллаб-қувватлашини билдириб, мамлакат учун ёрдам пакетини эълон қилган эди. Бу пакет Россия томонидан жорий этилган савдо чекловларининг иқтисодий таъсирини юмшатишга қаратилган.
Еврокомиссия маълумотига кўра, Арманистон хусусий секторига Россиянинг савдо чекловлари оқибатларини камайтириш учун қўшимча 34 миллион евро ажратилган. Маблағ агросаноат, гулчилик ва экспортга йўналтирилган бошқа тармоқларни қўллаб-қувватлашга сарфланади.
Европа Иттифоқининг кенгайиш масалалари бўйича комиссари Марта Кос ҳам яқин кунларда Арманистонга ташриф буюришини маълум қилди. Унинг таъкидлашича, Европа Иттифоқи суверен, демократик ва мустақил Арманистонни қўллаб-қувватлайди.
Шу билан бирга, Пашинян сайловлар олдидан Россия билан муносабатларни кескинлаштирмасликка ҳаракат қилди. Пашиняннинг айтишича, Арманистон Россия манфаатларига қарши ҳаракат қилмайди, бироқ ўз миллий манфаатларини ҳам ҳимоя қилишда давом этади.
<iframe width="458" height="815" src="https://www.youtube.com/embed/qNTYs1RjjuU" title="Yevropa Ittifoqi Armaniston bilan hamkorlikni kuchaytirmoqchi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Кенжа Бекжонов, Анвархўжа Аҳмедов (видео), ЎзА
