Энг яхши мактаб театр гуруҳлари аниқланди (+видео)
Нукусда умумий ўрта таълим мактаблари ўртасида “Турон” мактаб театри республика танловининг Қорақалпоғистон Республикаси босқичи бўлиб ўтди.
Мактабгача ва мактаб таълими вазирлиги ҳамда республика “Келажак маркази” томонидан ташкил этилган танловда республиканинг барча ҳудудларидан мактабларнинг ижодий гуруҳлари иштирок этиб, ўз маҳоратини намойиш этди. Жумладан, танловнинг Қорақалпоғистон Республикаси бўйича 1 минг 865 гуруҳ рўйхатдан ўтган бўлиб, ҳудудий босқичда 17 гуруҳдан 200 нафарга яқин иштирокчи қатнашди.
Таъкидланганидек, мазкур танловнинг асосий мақсади умумий ўрта таълим мактабларидаги театр студиялари фаолиятини қўллаб-қувватлаш орқали ҳудудларда театр маданияти ва санъатини ривожлантиришдир. Иштирокчилар “Бизнинг мактаб” ҳамда “Театр ибратхона” шартлари бўйича маҳоратларини намойиш этди. Ҳакамлар гуруҳ аъзоларининг актёрлик маҳорати, саҳна маданияти, асардан парчани тўғри танлай олгани, нутқи, асар қаҳрамонларининг кийими ва декорацияси, саҳна спектаклининг тарбиявий аҳамиятга алоҳида эътибор қаратди.
[gallery-28658]
Қизиқарли ўтган танлов якунида, биринчи ўринни Кегейли туманидаги 55-сонли мактабнинг “Тонг нури” гуруҳи, иккинчи ўринни Беруний тумани 25-сонли мактабнинг “Туркистон” гуруҳи, учинчи ўринни Хўжайли тумани 35-сонли мактабнинг “Алғис” гуруҳи эгаллади.
Танлов якунида ғолиб жамоалар ташкилотчилар томонидан тайёрланган махсус диплом ва эсдалик совғалари билан тақдирланди.
Биринчи ўринни эгаллаган Кегайли тумани 55-сонли умумий ўрта таълим мактабининг “Тонг нури” гуруҳи танловнинг якуний босқичига йўлланма олди.
<iframe width="640" height="420" src="https://www.youtube.com/embed/jbQTL_OV6jE" title="Eng yaxshi maktab teatr guruhlari aniqlandi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Довуд Абибуллаев, Мақсад Ҳабибуллаев (сурат, видео), ЎзА.
