ЕЧЛ: Абдуқодир Ҳусанов кечаги ўйинда қандай натижа қайд этди? (+видео)
Футбол бўйича Европа чемпионлар лигаси нимчорак финали доирасида навбатдаги учрашувлар бўлиб ўтди.
Жумладан, ушбу босқичнинг марказий учрашувларидан бирида "Реал Мадрид" ўз майдонида "Манчестер Сити" клубини қабул қилди. Мазкур ўйинда мезбонлар таркибида майдонга тушган Федерико Вальверде 20, 27 ва 42-дақиқаларда гол уриб, жамоасининг 3:0 ҳисобидаги ғалабасини таъминлади.
Учрашувда ҳамюртимиз Абдуқодир Ҳусанов ўйинни асосий таркибда бошлаб, 90 дақиқа ҳаракат қилди. Унинг жамоаси гарчи йирик ҳисобда мағлубиятга учраган бўлса-да, Абдуқодир майдондаги энг яхши футболчилардан бири бўлди.
Ҳусанов ўйин давомида шерикларига берган узатмалари 95 фоиз аниқ бўлди. 90 дақиқа мобайнида футболчимиз 105 маротаба тўпга тегинди.
Ўйиндан сўнг турли статистик порталлар вакилимизнинг ҳаракатларини турлича баҳолади. Жумладан, "Fotmob" 6.2, "Sofascore" 5.9 балл ,"Flashscore" сайти эса ҳамюртимизга 7.3 балл берди.
Дарвоқе, Европа чемпионлар лигасининг 1/8 финал босқичидан ўрин олган "Будё-Глимт" ва "Спортинг" жамоалари тўқнашуви ҳам 3:0 ҳисобида якунланди. Шунингдек, ПСЖ ўз уйида "Челси"ни 5:2 ҳисобида енгган бўлса, "Байер" ва "Арсенал" беллашуви 1:1 ҳисобида якунланди.
Мусобақанинг нимчорак финали жавоб ўйинлари 17-18 март кунлари бўлиб ўтади.
<iframe width="650" height="420" src="https://www.youtube.com/embed/ieKW7TFvrUI" title="YECHL: Abduqodir Husanov kechagi o‘yinda qanday natija qayd etdi?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Жавоҳир Тошхўжаев, Карим Худойқулов, ЎзА
