Дунё чавандозлари Тошкентда рақобатлашмоқда

Тошкент шаҳридаги “Universal Horses Stable” от спорти мажмуасида конкур ва от йўрттириш бўйича FEI жаҳон кубоги саралаш босқичида чавандозларимиздан ташқари дунёнинг 20 га яқин давлатидан спортчилар иштирок этмоқда.

Мазкур мусобақа Халқаро от спорти федерацияси (FEI) томонидан тасдиқланган бўлиб, айни дамда чавандозлар конкур йўналиши бўйича саралаш баҳсларида қатнашмоқда. Жумладан, CSI1*-W (140 см) йўналишида 3 нафар қозоғистонлик – Хения Баталова, Олег Соколенко, Нурила Турисбекова шоҳсупага кўтарилди.

CSI1-W* (120 см) тоифасида қозоғистонлик Бекжан Байжанули, ҳамюртимиз Алишержон Эркинов ва қозоғистонлик Олег Соколенко кучли учликдан жой олди. Икки йўналишли AEF/Mantena Cup CSI1*-B (110 см) саралаш беллашувларида Дилшод Шокиров ва Анна Сигидина каби чавандозларимиз 1-2-ўринларни банд этди. 

Бугун, 25 апрель куни конкур беллашувларининг CSI1*-W 125 см (Two Phases Competition), CSI1*-W, 145 см (Two Phases Competition) ва AEF/Mantena Cup CSI1*-B, 115 см йўналишлари бўйича баҳслари ташкил этилади.

Жавоҳир Тошхўжаев, ЎзА