“Бу ерларни чўл бўлган десангиз, бугун ҳеч ким ишонмайди” – Маҳмуд Намозов (+видео)
Президент ташрифи
Жарқўрғон туманидаги “Янги Ўзбекистон” массиви – бугун аҳоли фаровон яшаётган сўлим масканлардан бири.
Бугун ушбу манзилдаги бир ярим мингга яқин хонадонда 4,5 мингдан зиёд аҳоли истиқомат қилмоқда. Ҳудудда поликлиника, 180 ўринли боғча, 330 ўринли мактаб фаолияти йўлга қўйилган.
Массив қулай инфратузилма ҳамда замонавий шаҳарсозлик меъёрларини ўзида акс эттирмоқда. Шу билан бирга, экотизмни сақлаш ва аҳолининг фаровон истиқомат қилишлари ҳудуд кўкаламзорлаштирилган.
Давлатимиз раҳбари Сурхондарё вилоятига ташрифи асносида “Янги Ўзбекистон” массивини бориб кўрди.
Маҳмуд Намозов, Ўзбекистон халқ артисти:
– Юртимиз аҳолисига муносиб шароитлар яратиш, шинам турар жойлар барпо этиш борасидаги ишлар Сурхондарёда ҳам авж олган. Жумладан, Жарқўрғонда қад ростлаган “Янги Ўзбекистон” массиви бунга яққол бир мисол. Бу ерларни бир пайтлар чўл бўлган десангиз, ҳеч ким ишонмайди. Қаранг маҳобат ва яшилликни, кўз қувнайди. Фақат маза қилиб яшаш учун бунёд бўлган, десам муболаға бўлмайди.
<iframe width="650" height="420" src="https://www.youtube.com/embed/89DLcL3C-nU" title="“Bu yerlarni cho‘l bo‘lgan desangiz, bugun hech kim ishonmaydi” – Mahmud Namozov" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Абдулазиз РУСТАМОВ, Нишонбой АБДУВОИТОВ (видео), ЎзА
