БМТ Бош котиби АҚШни огоҳлантирди (+видео)
БМТ Бош котиби Антониу Гутерриш АҚШ ва Исроилни Эрондаги электр станциялари ва бошқа фуқаролик инфратузилмаларига ҳужум қилмасликка чақирди. Унинг вакили Стефан Дюжаррик Нью-Йоркдаги баёнотида бундай ҳужумлар халқаро ҳуқуқ қоидаларига зид эканини таъкидлади, деб хабар қилди DW нашри.
Дюжаррикнинг сўзларига кўра, ҳатто айрим фуқаролик объектлари ҳарбий мақсад деб баҳоланган тақдирда ҳам, агар тинч аҳолига катта зарар етказиш эҳтимоли бўлса, уларга зарба бериш тақиқланади.
Шунингдек, Гутерриш иккала томон ҳам бу можарони тезора тугатиш кераклигини билдирган.
БМТ чақириқларига қарамасдан, Дональд Трамп Эронга нисбатан кескин баёнот берди. У Эрон ультиматум талабларини бажармаса, бир неча соат ичида мамлакатдаги барча кўприклар ва электрстанцияларни портлатиш билан таҳдид қилди.
Шу билан бирга у АҚШ Эронни тўлиқ йўқ қилиш имконига эга эканини ҳам таъкидлаган.
Трамп ультиматуми Эрондан Ҳурмуз бўғозини очишни талаб қиляпти. Бўғоз жаҳон нефть ва газ бозори учун муҳим йўл ҳисобланади ва табиийки бу ердаги можаролар бошқа давлатлар иқтисодиётига жиддий таъсир қилмоқда.
Трамп эса БМТ ва бошқа халқаро ташкилотларнинг бундай ҳужумлар ҳарбий жиноят ҳисобланиши ҳақидаги танқидларини ҳам рад этмоқда. Унинг фикрича, Эроннинг ядровий қуролга эга бўлишига йўл қўйиш, ҳақиқий ҳарбий жиноят ҳисобланади.
Шунингдек, у Эрон раҳбарларини ҳам қаттиқ танқид қилди ва АҚШда урушга қарши чиқаётганларни ҳам кескин сўзлар билан “сийлаган”.
<iframe width="650" height="420" src="https://www.youtube.com/embed/5VRFbWXMmdQ" title="BMT Bosh kotibi AQSHni ogohlantirdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Кенжа Бекжонов, Салимжон Обиджоноа, ЎзА
