84 тонна зарарланган маҳсулот тўхтатиб қолинди (+видео)
Сирдарё вилоятида қишлоқ хўжалиги маҳсулотларини ноқонуний равишда республикага олиб киришга бўлган навбатдаги уриниш фош этилди.
Ўсимликлар карантини ва ҳимояси агентлиги чегара маскани инспекторлари томонидан 7 та юк автотранспорт воситаси текширувдан ўтказилганда ҳужжатларда кўрсатилмаган 84 тонна мева борлиги аниқланди.
Сирдарё чегара пости орқали кириб келган юк машиналарида фитосанитар сертификат, импорт карантин рухсатномаси ўрганилиб, карантин кўригидан ўтказишга қарор қилинди.
Ўрганиш давомида юк машиналарининг олд томонида фитосанитар сертификатда кўрсатилган мевалар, орқа томонида эса Ўзбекистонга импорт қилиниши тақиқланган маҳсулотлар яширинча олиб ўтилаётганлиги аниқланди.
- Хорижий давлатлардан Ўзбекистон республикасига карантин ости маҳсулотлар импорти белгиланган тартибда назорати олиб борилмоқда, - дейди Ўсимликлар карантини ва ҳимояси агентлиги бош мутахассиси Бахтиёр Шораҳмедов. – карантин ости маҳсулотларнинг ҳужжатлари инспекторда шубҳа уйғотганидан сўнг божхона хизмати ходимлари билан биргаликда назоратдан ўтказилди. Натижада ҳужжатларда кўрсатилмаган маҳсулот борлиги аниқланди. Ҳолат юзасидан тегишли чора-тадбирлар амалга оширилмоқда.
Импорт бўлган маҳсулотда “қизил померанец қалқондори” аниқланган. Ушбу зараркунанда асосан цитрус меваларга зарар етказади. Кўпгина давлатларда мазкур ҳашарот карантин аҳамиятга эга организм ҳисобланади. Агарда ушбу зараркунанда Ўзбекистон ҳудудига олиб кириладиган ва тарқаладиган бўлса келгусида маҳаллий цитруслар учун хорижий бозорларнинг ёпилишига олиб келиши мумкин эди.
<iframe width="650" height="420" src="https://www.youtube.com/embed/33s7U3JrO-s" title="84 tonna zararlangan mahsulot to‘xtatib qolindi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>СанжарТошпўлатов, Улуғбек Тўхтаев, ЎзА
