Шахмат: Синдоров ва Абдусатторов дунёнинг энг кучли ТОП-5 талигида

Халқаро шахмат федерацияси томонидан эълон қилинган 2026 йил июнь ойи рейтингида мамлакатимиз шахматчилари муносиб ўринларда қайд этилди.

Эътиборли жиҳати, янгиланган ФИДE рейтингида Жавоҳир Синдоров ва Нодирбек Абдусатторов дунёнинг энг кучли 5 нафар шахматчилари қаторидан жой олди.

Айтиш лозим, май ойида Синдоров ва Абдусатторов ТОП-100 таликнинг 4 ва 5-поғоналарига кўтарилганди.

Шунингдек, ФИДЕнинг кучлилар рейтингида Нодирбек Ёқуббоев, Рустам Қосимжонов ва Шамсиддин Воҳидов номлари келтириб ўтилди.

ФИДЕ аёллар ТОП-100 лик рўйхатида Афруза Ҳамдамова ва Гулруҳбегим Тоҳиржонова номлари келтирилган бўлса, ёшлар рейтингида Муҳиддин Мадаминов, Муҳаммадзоҳид Суяров, Ҳумоюн Бекмуратов, ёш қизлар рейтингида Умида Омонова, Гулдона Каримова, Нилуфархон Имомқўзиева, Мадинабону Халилованинг ўрин эгаллагани ўзбек шахмат мактаби йилдан йилга юксалишда эканидан далолат.

Миллий федерациялар қаторида Ўзбекистон шахмат федерацияси кучли ўнталикда келтириб ўтилган.

Т.Рўзиев, ЎзА