Шахмат: Пранав ва Дудани мағлуб этган Абдусатторов кейинги босқичга йўл олди
Маҳоратли шахматчимиз Нодирбек Абдусатторов Франция пойтахти Париж шаҳрида киберспорт турлари бўйича жамоалар ўртасида ўтказилаётган “Esports World Cup-2026” мусобақасининг шахмат йўналишидаги асосий мусобақаларда муваффақиятга эришди.
Дунёнинг 16 нафар энг кучли шахматчиси иштирокида ўтаётган мусобақада Абдусатторов ортда қолган ўйинларда ғолибликка асосий даъвогар эканлигини намойиш этмоқда.
Айтиш лозим, ташланган қуръа натижасида Нодирбек Абдусатторов, франциялик Алиреза Фирузжа, ҳиндистонлик Аржун Эригаиси, Пранав, Ниҳал Сарин, хитойлик Вей И, польшалик Жан-Криштоф Дуда, нидерландиялик Беньямин Бок “А” гуруҳида баҳс олиб борди.
Кеча Нодирбек Абдусатторов гуруҳ босқичида аввалига ҳиндистонлик Пранавни, ярим финал остонасида польшалик Жан-Криштоф Дудани 2:0 ҳисобида мағлуб этди.
Иккинчи қанотда дона сурган франциялик Алиреза Фирузжа илк баҳсда хитойлик Вей Ини 1:0, ҳиндистонлик Аржун Эригаисини 2:1 кўринишида таслим этди.
Мусобақанинг “Б” гуруҳидаги ўйинлари сарҳисобига кўра, ФИДЕ рейтинги етакчиси, собиқ жаҳон чемпиони норвегиялик Магнус Карлсен ва АҚШлик Ҳикару Накамура эронлик Сина Моваҳед, америкалик Ҳанс Моке Ниеманн, Ҳикару Накамура, россиялик Андрей Есипенко, Ян Непомняший, сербиялик Алекей Сарана, беларуслик Денис Лазавикни ортда қолдириб, ярим финалда тўқнаш келадиган бўлди.
“Esports World Cup-2026” дастурига биноан “А” гуруҳида Нодирбек Абдусатторов ва Алиреза Фирузжа, “Б” гуруҳида Магнус Карлсен ва Ҳикару Накамура эртага, 14 август куни бўладиган плей-офф йўлланмасига эга чиқди.
Бугун, 13 август куни “А” ва “Б” гуруҳларида ярим финалга чиқа олмаган шахматчилар ўртасида мусобақалар ўтказилиб, унда яна 4 нафар плей-офф йўлланмаси соҳиблари аниқланади.
“Esports World Cup-2026”нинг шахмат мусобақаларида 3-ўрин баҳслари ҳамда финал ўйинлари 15 август куни бўлиб ўтади.
Т.Рўзиев, ЎзА
