Россиядан нақд пул ва олтин олиб чиқишга чекловлар киритилди
Россия президенти янги фармон имзолаб, нақд пул ва олтинни мамлакатдан олиб чиқиш қоидаларини кескинлаштирди. Бу чекловлар, айниқса, Евроосиё иқтисодий иттифоқи давлатларига тегишли, деб хабар берди DW нашри.
2026 йил 1 апрелдан бошлаб, жисмоний шахслар Россиядан Евроосиё иқтисодий иттифоқи давлатларига, яъни Арманистон, Беларусь, Қозоғистон, Қирғизистонга 100 минг доллардан ортиқ нақд рубль олиб чиқолмайди.
Шунингдек, тадбиркорлар ва компаниялар учун нақд пулни поезд ёки машина орқали олиб чиқиш тақиқланади, фақат халқаро аэропортлар орқали олиб чиқиш талаб этилади. Барча жисмоний шахслар, юридик шахслар ва якка тартибдаги тадбиркорлар энди пулнинг манбасини банк ҳужжатлари билан тасдиқлаши ва уни хорижда қандай мақсадда ишлатишини декларацияда кўрсатиши керак бўлади.
Янги фармонга кўра, 100 граммдан оғир олтин қуймаларини олиб чиқиш ҳам чекланади. 2026 йил 1 майдан бошлаб, тадбиркорлар ва компаниялар бундай олтинни фақат махсус рухсат билан ҳамда айрим аэропортлар орқали олиб чиқиши мумкин бўлади.
Жисмоний шахслар учун бу чекловлар нафақат Евроосиё иқтисодий иттифоқи давлатларига, балки бошқа мамлакатларга чиқишда ҳам амал қилади.
<iframe width="412" height="732" src="https://www.youtube.com/embed/1xB1j3Hdlpg" title="Rossiyadan naqd pul va oltin olib chiqishga cheklovlar kiritildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Кенжа Бекжонов, Искандар Исматов, ЎзА
