Келажак лойиҳалари тақдимоти ўтказилди
Хоразм вилоятида “Муҳаммад ал-Хоразмий ворислари” лойиҳаси доирасида пресс-тур ташкил этилди. Унда журналистларга лойиҳа натижалари ҳақида маълумот берилиб, Урганч ва Хива туманларида ўқув жараёнлари ҳамда ўқувчиларнинг билим даражаси билан таништирилди.
Тадбир давомида иқтидорли ўқувчилар ўз лойиҳаларини тақдим этишди. Жумладан, Шоҳжахон Ўктамов информатика олимпиадасининг вилоят босқичида 2-ўринни эгаллаб, республика йўлланмасини қўлга киритгани ва «Yuk 24» лойиҳаси устида ишлаётгани ҳақида маълумот берди. Чаманноз Ўрозбоева эса «Zippy” CRM тизимини ишлаб чиқиб, $1000 дан ортиқ даромад топганини таъкидлади.
Шунингдек, Мунисбек томонидан туризм йўналишидаги кўп тилли веб-сайт ва Телеграм бот яратилгани, Озодбек Собиров эса “Clinum” тиббиёт платформаси орқали $1200 дан ортиқ даромадга эришгани маълум қилинди.
Лойиҳа доирасида ўқувчиларнинг инглиз тили бўйича ҳам юқори натижаларга эришаётгани қайд этилди: 73 нафари CEFR, 56 нафари IELTS сертификатига эга.
Пресс-тур якунида Хива туманида “Webmaster Challenge” ўтказилиб, Султанбаев Муҳаммад (1-ўрин), Умрбеков Амирбек (2-ўрин) ва Абдушарипов Нуриддин (3-ўрин) ғолиб деб топилди ҳамда сертификатлар билан тақдирланди.
<iframe width="640" height="420" src="https://www.youtube.com/embed/4zQEYF2poHI" title="Kelajak loyihalari taqdimoti o`tkazildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Зиёвуддин Нуриддинов, ЎзА
