Инвестиция асосида насос станцияси қурилди (+видео)
Фарғона вилояти водийнинг энг чуқурликда жойлашган ҳудудидир. Шунданми, сув тақсимоти ва таъминотида насослар ёрдамидан фойдаланилади. Жумладан, Фарғона туманининг экин майдонлари Олой тоғ тизмаларига туташ.
Юқоридан келадиган оқим сув эҳтиёжини қондирмайди. Бу ҳолатда ҳам насос станциялари мададга келади. Аммо уларнинг техник аҳволи бугунги тамойилларга жавоб бермай қолганди. Шунда ҳукумат қарори ва кўмагида Сирдарё-Сўх ирригация тизимлари ҳавза бошқармаси, Сув хўжалигида хорижий инвестиция лойиҳаларини бошқариш маркази Жаҳон банкининг қўлловида “Аввал-Лоғон” насос станциясининг янги биносини қурди. Уни замонавий қурилмалар билан жиҳозлади.
– “Аввал-Лоғон” насос станциясига 30 млн доллар инвестиция киритилган, – дейди Фарғона туман насос станцияси мутахассиси Халимиддин Қулпитдинов. – Бу ерда учта агрегат бор. Улар ҳар бир секундига 670 литр сув ташлаб бера олади. Трубанинг умумий узунлиги 9300 метрни ташкил этади. Бу насос орқали 8-10 минг гектар ерни сув билан таъминлай олади.
“Фарғона водийсида сув ресурсларини бошқариш” лойиҳасини “China Nuclear Industry Construction Co Ltd” компанияси амалга оширди.
Лойиҳа доирасида станция учун замонавий бино ва иншоотлар барпо этилди. 1220 мм диаметрли, 9,3 км узунликдаги юқори босимли қувурлар ўрнатилди. 110 кВли юқори кучланишли электр тармоқлари тортилди. 3 та насос агрегати ва электро двигателлар, бошқарув тизими тўлиқ автоматлаштирилди.
Насос станцияси “Марғилонсой” каналидан сув қабул қилиб “Лоғон” каналига сониясига 2 куб метр сув етказиб беради. Ушбу иншоот орқали қарийб 5 минг гектар экин ер майдонларида сув таъминоти яхшиланади.
<iframe width="640" height="420" src="https://www.youtube.com/embed/IaygFYzl2s8" title="Investisiya asosida nasos stansiyasi qurildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Муҳаммаджон Обидов,
Тасвирчи: Элёр Олимов, ЎзА
