Өзбекстан Президенті Қазақстан Президентін Құрылтай сайлауының сәтті өтуімен құттықтады
Өзбекстан Республикасының Президенті Шавкат Мирзиёев Қазақстан Республикасының Президенті Қасым-Жомарт Тоқаевпен телефон арқылы сөйлесті.
Сұхбат басында Мемлекет басшысы Қазақстан Президентін ел тарихында алғаш рет бір палаталы Құрылтайға сайлаудың сәтті өткендігімен құттықтады.
Жаңа Құрылтай Қазақстандағы дәйекті реформаларды одан әрі ілгерілетуде маңызды фактор болып, ауқымды өзгерістерді заңнамалық тұрғыдан тиімді қамтамасыз етіп, елдің тұрақты дамуына жаңа серпін беретініне сенім білдірілді.
Әңгімелесу барысында Мемлекет басшылары Өзбекстан – Қазақстан стратегиялық серіктестік және одақтастық қатынастарының қарқынды дамып келе жатқанын атап өтті.
Өзара сауда көлемін одан әрі арттыру, өнеркәсіптік кооперацияны дамыту, бірлескен инвестициялық жобаларды жүзеге асыру, көлік-логистикалық байланыстарды дамыту, сондай-ақ екі ел өңірлері арасындағы іскерлік байланыстарды жандандыру үшін жаңа мүмкіндіктер жасау мәселелеріне ерекше назар аударылды.
Көшбасшылар өңірлік және халықаралық маңызы бар өзекті мәселелер жөнінде де пікір алмасты.
