Өзбекстан Жоғарғы сотының құрамына өзгерістер енгізілді
Сенаттың жалпы отырысында Өзбекстан Республикасы Жоғарғы сотының құрамына өзгерістер енгізу мәселесі қаралды.
Өзбекстан Республикасы Олий Мажлисі Сенаты қабылдаған қаулыға сәйкес, Акмалжон Алижонов, Дилфуза Дадажонова, Дилфуза Жураева, Уткир Розиқов, Сардор Рахмуддинов, Мухиддин Султанов, Жахонгир Турдимуродов, Луиза Халитова, Абдусаид Хожиев және Марат Эргашев он жыл мерзімге Өзбекстан Республикасы Жоғарғы сотының судьялары болып сайланды.
Аталған шешім елдің сот жүйесін одан әрі жетілдіру және сот төрелігінің тиімділігін арттыру бағытындағы жұмыстардың жалғасы саналады. Жаңа құрамдағы судьялар заң үстемдігін қамтамасыз ету, азаматтардың құқықтары мен заңды мүдделерін қорғау ісінде маңызды міндеттер атқарады.
