“Ёшлар тинчлик учун” бирлашди
Тошкент шаҳридаги "Ёшлар ижод саройи"да Жаҳон ёшларининг тинчлик сари ҳаракати тақдимоти ҳамда “Ёшлар тинчлик учун” Бирлашган Миллатлар Ташкилотининг Модели бўлиб ўтди.
Тадбирда БМТнинг Ўзбекистондаги ваколатхоналари раҳбарлари ва вакиллари, ёш лидерлар, шунингдек, халқаро майдонда ёшлар орасида нуфуз қозонган хорижлик ёшлар иштирок этиб, ўз фикр ва таклифлари билан ўртоқлашди.
Тақдимот давомида иштирокчиларга “Жаҳон ёшларининг тинчлик сари ҳаракати”нинг мақсад ва вазифалари, фаолият йўналишлари, ташкилий тузилмаси хусусида тушунчалар берилди.
Қайд этилганидек, Жаҳон ёшларининг тинчлик сари ҳаракати ташаббуси Президентимиз Шавкат Мирзиёев томонидан БМТ Бош ассамблеясининг 80-сессиясида илгари сурилган бўлиб, дунё ёшларини тинчлик йўлидаги глобал ҳаракатга бирлаштиришга қаратилган.
Тадбир халқаро экспертлар ва ёшлар етакчиларини тинчлик, тотувлик ва ўзаро ҳамкорлик йўлида бир масканда жамлайди. Унда ёшлар томонидан ҳаракат фаолиятини янада кенгайтиришга қаратилган аниқ таклиф ва ташаббуслар ишлаб чиқилади.
Г.Бобоева, ЎзА
