Ёш тадбиркор фаолиятини кенгайтириш ниятида

ФОТОРЕПОРТАЖ

Қорақалпоғистон Республикаси Шуманай тумани “Маданият” маҳалла фуқаролар йиғинида яшовчи Замира Ўрозбоева ёш тадбиркорлардан. У тикувчиликка бўлган қизиқишини янада ривожлантириш мақсадида банкдан 100 миллион сўм миқдорида имтиёзли кредит олиб, замонавий тикувчилик цехини ташкил этган.

Бу ташаббус тадбиркорнинг шахсий фаолиятини кенгайтириш билан бирга, маҳаллада кичик бизнесни ривожлантиришга ҳам хизмат қилмоқда. Ҳозирги кунда Замира Ўрозбоева томонидан ташкил этилган тикувчилик цехида икки нафар хотин-қиз доимий иш билан банд. Улар буюртмалар асосида аёллар кийими ва замонавий пардалар тикиш билан шуғулланади.

[gallery-28553] 

Келгусида ишлаб чиқариш ҳажмини янада кенгайтириш ва қўшимча иш ўринлари яратиш режалаштирилган. Бундай ташаббуслар ҳудудда ишбилармонлик муҳитини яхшилаш, аҳоли бандлигини таъминлаш ва иқтисодий фаолликни оширишда муҳим аҳамият касб этади.

Мақсад ҲАБИБУЛЛАЕВ (сурат), ЎзА