Велоспортчилар трек йўналишида Ўзбекистон чемпионлиги учун рақобатлашмоқда

Чемпионатнинг биринчи кунида ғолиб ва совриндорлар аниқланди.

Велоспортнинг трек йўналиши бўйича Ўзбекистон чемпионатининг биринчи куни доирасида 1000 метр масофага ўтказилган навбатдаги индивидуал вақт пойгасида ғолиб ва совриндорлар номи аниқланди.

Эркаклар ўртасидаги баҳсларда Тошкент-2 жамоаси вакили Данил Фёдоров 1:09.29 натижа билан биринчи ўринни эгаллади. Яна бир Тошкент-2 вакили Адилбек Аламбергенов 1:09.31 натижа билан кумуш медалга сазовор бўлди. Сирдарё вилояти спортчиси Фазлиддин Эргашев 1:09.45 натижа билан кучли учликдан жой олди.

Аёллар ўртасида Тошкент-2 жамоаси вакили Алина Бахчеева 1:20.27 натижа билан ғолиб бўлди. Тошкент-1 жамоаси аъзоси Мадина Давронова 1:22.65 натижа билан иккинчи, Тошкент-2 вакили Анастасия Сафонова 1:23.68 натижа билан учинчи ўринни эгаллади.

Шу тариқа, чемпионатнинг биринчи кунида ғолиб ва совриндорлар аниқланди.

Жавоҳир Тошхўжаев,

ЎзА