Шахматчиларимизнинг рейтинг кўрсаткичи юксалди

Самарқандда поёнига етган 46-Бутунжаҳон шахмат олимпиадасида жамоалар ва алоҳида шахматчилар эришган натижалардан сўнг уларнинг рейтинг кўрсаткичларида бир қатор ўзгаришлар кузатилмоқда.

Жумладан, Олимпиада якунига кўра, ФИДЕ рейтингида 2700 баллга эга элита шахматчилар орасида энг катта ўсиш ҳамюртимиз Нодирбек Ёқуббоевга тегишли бўлди.

11 та турдан иборат шахмат олимпиадасида ажойиб ўйин намойиш этган Ёқуббоев +26,7 очко жамғарди. Бу, унинг умумий баллари сони 2711,7 га етишига олиб келди.

Терма жамоамиз сардори Нодирбек Абдусатторов +17,5 очко билан рўйхатда 2-ўриндан жой олди. Рейтинг очкоси эса 2779,5 га етди. Жаҳон шахмат тожига даъвогар Жавоҳир Синдоров +3,5 балл, 2781,5 рейтинг кўрсаткичи билан ТОП-10да қайд этилди.

Эслатиб ўтамиз, олимпиададаги натижалар асосида Халқаро шахмат федерациясининг сентябрь ойи кўрсаткичларига асосланган янги рейтинги октябрь ойининг илк кунларида эълон қилинади.

Т.Рўзиев, ЎзА