Сергей Фомин яна бир совринни кўзламоқда
Хитойда теннис бўйича эркаклар ўртасида "Challenger 50" таснифига кирувчи халқаро турнир ўтказилмоқда. Унда ҳамюртимиз Сергей Фомин муваффақиятли иштирок этмоқда.
Соврин жамғармаси 63 минг АҚШ долларини ташкил этувчи мазкур мусобақанинг жуфтлик беллашувларида Сергей Фомин қозоғистонлик Григорий Ломакин билан тандем ҳосил қилди ва илк босқичда қозоғистонлик Бейбит Жукаев ва нейтрал теннисчи Семён Панкин жуфтлигини 6:3, 6:2 ҳисобида мағлуб этди.
Ушбу ғалаба натижасида Сергей ва Григорий турнирнинг чорак финал йўлланмасини қўлга киритди. Энди улар ярим финалга чиқиш учун нейтрал теннисчилар Ярослав Дёмин ва Тимофей Дерепаско дуэтига қарши кортга чиқади.
Жавоҳир Тошхўжаев,
ЎзА
