Саодатли кунлар шукронаси
ФОТОРЕПОРТАЖ
Тошкент шаҳридаги “Ачаобод” маҳалла фуқаролар йиғинида яшовчи Иккинчи жаҳон уруши қатнашчиси 97 ёшли Аббос ота Аппонов бугунги тинч ва фаровон кунлар учун шукрона айтишдан чарчамайди. Давлатимиз томонидан фахрийларга кўрсатилаётган юксак эътибор ва ғамхўрликдан мамнун.
Аббос ота 1942 йилда фронтга кетиб, юрт тинчлиги ва халқимизнинг саодатли кунлари учун мардонавор курашган.
Урушдан қайтгач пойтахтимиздаги 29-умумтаълим мактабида узоқ йиллар ёш авлодга таълим-тарбия берган. Етти нафар фарзандни эл корига камарбаста инсонлар этиб улғайтирган. Ҳозирда фарзандлари, 30 га яқин невараю 10 дан зиёд эваралари ардоғида кексалик гаштини сурмоқда.
– Тинчлик улуғ неъмат, - дейди Аббос ота. – Яратганга шукур, бугунги дориломон кунларни кўриш насиб этди. Биз, кекса авлод вакилларига кўрсатилаётган эътибор ва ғамхўрлик ёшимизга ёш қўшмоқда. Илоҳим, фаровонлигимиз бардавом бўлсин.
[gallery-6997]
Носиржон ҲАЙДАРОВ, ЎзА
