Ўзбекистонлик бокс мутахассиси "World Boxing"нинг техник делегатлари сафидан ўрин олди
Ўзбекистон бокси ривожига муносиб ҳисса қўшиб, кўплаб халқаро турнир ва чемпионатларда самарали фаолият кўрсатиб келаётган ҳамюртимиз Тамила Сариханова "World Boxing" ташкилотининг Минтақавий техник делегатлари сафидан ўрин олди.
Эътиборли жиҳати, ҳамюртимиз Т.Сариханова ушбу нуфузли ташкилот тарихида масъулиятли лавозимга тайинланган илк ўзбекистонлик ва умуман биринчи аёл мутахассис номига сазовор бўлди.
Бу, ёш бўлса-да халқаро бокс майдонида самарали фаолият кўрсатиб келаётган юртдошимизнинг ўзига хос ютуғи бўлиш билан бирга, ўзбек боксининг, хусусан мамлакатимиз спорт мутахассисларининг халқаро миқёсда эътирофга лойиқ кўрилганининг ёрқин ифодаси, дейиш мумкин.
Т.Рўзиев,
ЎзА
