IBA: Bokschilarimizning jahon chempionati finalidagi raqiblari ma’lum

Birlashgan Arab Amirliklarining Dubay shahrida o‘tkazilayotgan boks bo‘yicha IBA jahon chempionatida final yo‘llanmasini qo‘lga kiritgan barcha charm qo‘lqop ustalari nomi aniq bo‘ldi.

Aniqroq aytadigan bo‘lsak, musobaqaning finalida jami 7 ta mamlakat terma jamoasi a’zolari – Rossiya – 12, O‘zbekiston – 6, Qozog‘iston – 4, Ozarbayjon, Belarus, Qirg‘iz Respublikasi va Tojikiston termalarining bittadan bokschilari qatnashadi.

Quyida O‘zbekiston terma jamoasining 6 nafar a’zosi va ularning final bellashuvidagi raqiblari bilan tanishasiz:

–51 kg: Hasanboy Do‘smatov — Bair Batlayev (Rossiya);

–60 kg: Abdumalik Xalakov — Vsevolod Shumkov (Rossiya);

–67 kg: Asadxo‘ja Mo‘ydinxo‘jayev — Yevgeniy Kool (Rossiya);

–80 kg: Javohir Ummataliyev — Djambulat Bizamov (Rossiya);

–92 kg: To‘rabek Habibullayev — Muslim Gajimagomedov (Rossiya);

+92 kg: Arman Maxanov — David Surov (Rossiya).

Ma’lumot o‘rnida: finallar ertaga, 13 dekabr kuni Toshkent vaqti bilan soat 18:00da boshlanadi.

Javohir Toshxo‘jayev, O‘zA