Фиджитал-баскетбол: Тошкент мусобақасида Беларусь жамоаси ғолиб чиқди
Пойтахтимиздаги “Олимпия шаҳарчаси”да фиджитал-баскетбол бўйича халқаро ўртоқлик ўйинлари бўлиб ўтди.
Беларусь ва Ўзбекистоннинг 5 та жамоаси иштирокида кечган мусобақалар жисмоний ва ақлий ўйинлар жамланмасида ташкил этилди.
Шиддатли кечган ўртоқлик мусобақалари финал баҳсида Беларуснинг “Flash Basket” ва мамлакатимизнинг “2K Renesans” жамоалари рўбарў келди.
Унда меҳмонлар жамоаси 29:26 ҳисобида устунликка эришди.
Икки кунлик баҳслар якунига кўра, Беларуснинг “Flash Basket” жамоаси ғолибликни қўлга киритди. Ўзбекистоннинг "2K Renesans" ва "Play Next" жамоалари кейинги ўринларни банд этди.
Т.Рўзиев,
ЎзА
