Арманистоннинг собиқ президентига мамлакатдан чиқиш тақиқланди (+видео)
Арманистоннинг собиқ президенти, «Арманистон» блоки раҳбари Роберт Кочерян мамлакатдан чиқиб кета олмади. Унга хорижга сафар қилиш тақиқлангани ҳақида Ереван аэропортида маълум қилинган, деб хабар берди DW нашри. Маълумотларга кўра, Кочарян 14 июнь куни Ереван аэропорти орқали мамлакатни тарк этмоқчи бўлган.
Бироқ чегара назорати ходимлари унга ҳеч қандай изоҳ бермасдан чиқиб кетишни тақиқлаган. Кочарян вакилларининг таъкидлашича, собиқ президент хизмат фаолияти билан боғлиқ бўлмаган қисқа сафарга отланган. Бироқ у қайси мамлакатга йўл олмоқчи бўлгани очиқланмаган. Кочарянга нисбатан тақиқ ҳақидаги хабарлар тарқалган вақтда Арманистон бош вазири Никол Пашинян ижтимоий тармоқларда видео мурожаат билан чиқди.
Унда Пашинян 7 июнь куни бўлиб ўтган парламент сайловлари вақтида овоз сотиб олиш ҳолатлари кузатилганини айтиб, коррупцияга алоқадор шахсларга қарши қатъий чоралар кўрилишини маълум қилди. «Пора тарқатган кучларга бошқа имконият берилмайди. Бу қарор халқ овози билан қабул қилинди», — деган Пашинян. 9 июнь куни Арманистон Бош прокуратураси Гагик Царукянга қарши жиноий иш қўзғатган эди. «Фаровон Арманистон» партияси раҳбари бўлган бу тадбиркор йирик миқдорда солиқ тўлашдан бўйин товлаганликда айбланмоқда.
Царукян ҳам мамлакатдан чиқиб кетишга уринган, аммо унга нисбатан ҳам чиқиш тақиқи жорий этилган. Роберт Кочарян 1998–2008 йилларда Арманистон президенти лавозимида ишлаган. 2021 йилда у «Дашнакцутюн» ва «Тикланган Арманистон» партиялари асосида ташкил этилган «Арманистон» сиёсий блокига раҳбарлик қилди. Ушбу блок Россия билан яқин муносабатларни қўллаб-қувватловчи позицияси билан танилган.
<iframe width="650" height="420" src="https://www.youtube.com/embed/Wo2eVPsgYSs" title="Armanistonning sobiq prezidentiga mamlakatdan chiqish taqiqlandi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Кенжа Бекжонов,Улуғбек Тўхтаев, ЎзА
