АҚШ долларида Трампнинг имзоси пайдо бўлиши мумкин
АҚШ Молия вазирлиги Президент Дональд Трампнинг имзоси келажакда мамлакат қоғоз пул бирлиги дизайнига туширилиши эҳтимолини билдирди. Бундай амалиёт амалдаги давлат раҳбари билан илк бор юз бериши мумкин.
"Kazinform" ёзишича, мазкур қарор Қўшма Штатларнинг 250 йиллиги билан изоҳланади.
Анъанага кўра, Америка пулида молия вазири ва ғазначи имзоси пайдо бўлади, энди эса бунга Президент дастхати қўшилади. Молия вазири Скотт Бессент айни мавзуга қуйидагича изоҳ берган:
– Президент Трамп раҳбарлигида биз мисли кўрилмаган иқтисодий ўсиш, долларнинг изчил ҳукмронлиги, молиявий куч ва барқарорликка интиламиз. Буюк мамлакатимиз ва Президент Дональд Трамп тарихий ютуқларини хотирлаш учун унинг номини эслатадиган доллар купюраси чиқаришдан кўра мазмунлироқ усул йўқ. Бундай тарихий валюта давлатимизнинг 250 йиллиги арафасида чиқарилиши мутлақ рамзий маънога эга. Трамп Америка олтин даври иқтисодий тикланишининг меъмори. Президентнинг миллий валютадаги имзоси нафақат ўринли, балки жуда лойиқ.
Г.Сатторова, ЎзА
