Өзбекстан мен Грузия стратегиялық серіктестік орнату туралы декларацияға қол қойды

Өткен келіссөздердің қорытындысы бойынша Өзбекстан Республикасының Президенті Шавкат Мирзиёев пен Грузия Премьер-министрі Ираклий Кобахидзе Стратегиялық серіктестік қатынастарын орнату туралы декларацияға қол қойды.

Сондай-ақ делегациялар басшыларының қатысуымен бірқатар екіжақты құжаттармен алмасу рәсімі өтті. Атап айтқанда:

– Кеден ісіндегі ынтымақтастық және өзара әкімшілік көмек көрсету туралы келісім;

– Ақпараттық-коммуникациялық технологиялар және цифрландыру саласындағы ынтымақтастық туралы келісім;

– Кәсіптік және жоғары білім, ғылым мен инновациялар саласындағы ынтымақтастық туралы келісім;

– Өзбекстан Республикасы Үкіметі мен Грузия Үкіметі арасындағы 2026–2027 жылдарға арналған ынтымақтастық бағдарламасы;

– Өзбекстан Республикасының Мәдениет министрлігі мен Грузия Мәдениет министрлігі арасындағы 2027–2030 жылдарға арналған ынтымақтастық бағдарламасы;

– Өзбекстан Республикасының Экономика және қаржы министрлігі мен Грузияның Қаржы министрлігі арасындағы өзара түсіністік туралы меморандум;

– «E-Permit» рұқсатнама алмасудың ақпараттық жүйесін енгізу жөніндегі ынтымақтастық туралы меморандум;

– Ауыл шаруашылығы саласындағы өзара түсіністік туралы меморандум;

– Қоршаған ортаны қорғау саласындағы ынтымақтастық туралы меморандум;

– Денсаулық сақтау саласындағы өзара түсіністік туралы меморандум;

– Радиациялық қорғау және ядролық қауіпсіздік мәселелері бойынша ынтымақтастық пен ақпарат алмасу туралы меморандум;

– Еңбек көші-қоны саласындағы өзара түсіністік туралы меморандум;

– Туризм саласындағы ынтымақтастық туралы меморандум.

Бұдан бөлек, мемлекеттік сапар аясында Өзбекстан Республикасының Бас прокуратурасы жанындағы Міндетті орындау бюросы мен Грузия Әділет министрлігінің Міндетті орындау бюросы арасында ынтымақтастық туралы меморандумға да қол қойылды.