Трамп: Путин ва Зеленский тез орада учрашади (+видео)
АҚШ Президенти Дональд Трамп тез орада Россия раҳбари Владимир Путин ва Украина етакчиси Владимир Зеленский иштирокида учрашув ўтказилишини маълум қилди. Бу ҳақда DW хабар қилди.
Ушбу баёнот Америка маъмурияти томонидан Россия – Украина урушини ҳал қилишга қаратилган дипломатик саъй-ҳаракат кучайтирилган бир пайт янгради.
Украина Президенти ноябрь ойида Киев, Вашингтон ва Москва уч томонлама учрашув ўтказишини маълум қилган эди. Унинг мақсади – тинчлик музокарасини тиклаш. Зеленский айтишича, мазкур ташаббус жуда муҳим. Шунингдек, у ҳамкорларини олий даражали уч томонлама музокарадан олдин Россияга нисбатан санкцияни шошилинч равишда бекор қилмаслик ҳақида огоҳлантирди.
– Санкция келишиш имкониятини яратиш учун эмас, балки ҳужум уюштирилгани боис жорий қилинган, – деди Зеленский. – Бу фикрни Америка делегациясига етказдик. Россиянинг бизга нисбатан хайрихоҳлигига эришиш учун алоҳида бадал тўламаслигимиз керак. Путин билан учрашув чоғи ҳозирги таъсир воситалари – санкция, пул ёки музлатилган маблағдан маҳрум бўлиб қолишни истамаймиз. Зеро, бундай ҳолатда, жаноб Трамп айтганидек, қўлимизда етарли карта бўлмайди.
Кенжа Бекжонов, Салимжон Обиджонов (видео), ЎзА
