Рим Гран-присида бугун 5 нафар таэквондочимиз даянга чиқади
Италиянинг Рим шаҳрида таэквондо WT бўйича Гран-при мусобақасининг иккинчи кунги беллашувлари ўтказилади. Унда Ўзбекистон терма жамоасининг беш нафар вакили медаллар учун курашга киришади.
Аёллар ўртасида +67 кг. вазн тоифасидаги баҳсларда Олимпия ўйинлари совриндори Светлана Осипова дастлаб британиялик Руби Маккей ва кореялик Сон Да Бин жуфтлиги ғолиби билан куч синашади.
Эркаклар ўртасида -68 кг. вазнда Диёрбек Тўхлибоевнинг илк рақиби италиялик Людовико Юрларо бўлади. Шу вазн тоифасидаги яна бир ҳамюртимиз Нажмиддин Қосимхўжаев эса поляк спортчиси Матеуш Крановскига қарши кураш олиб боради.
Шунингдек, +80 кг. вазн тоифасида Марат Мавлонов озарбайжонлик Элтаж Ғафаров билан тўқнаш келса, Ёдгорбек Жўрабоев америкалик Жонатан Хилига қарши даянга чиқади.
Жавоҳир Тошхўжаев, ЎзА
