Қозоғистонда энди парламент расман Қурултой дейилади
1 июль куни Қозоғистонда мамлакатнинг энг юқори вакиллик органи ҳисобланган янги Қурултой тўғрисидаги қонун кучга киради.
Ҳозирги парламентни алмаштирадиган Қурултой беш йил муддатга мутаносиб вакиллик асосида сайланадиган 145 депутатдан иборат бўлади.
Депутат Айдос Сарим айтишича, янги институт парламентнинг қонун чиқарувчи вазифасини сақлаб қолади, давлат идораларини шакллантиришда иштирок этади ва парламент назоратини амалга оширади. Шунингдек, тарихий нуқтаи назардан парламентнинг ҳуқуқий ворисига айланади.
С.Раҳимов, ЎзА
