Ўзбекистонда фаолият юритаётган ўқитувчилар сони очиқланди

Миллий статистика қўмитаси умумий ўрта таълим муассасаларида фаолият юритаётган педагоглар сонига доир расмий маълумотларни эълон қилди.

Қайд этилишича, 2025/2026 ўқув йили бошида Ўзбекистондаги умумий ўрта таълим ташкилотларида фаолият юритаётган ўқитувчилар сони (ўриндошларсиз) 577,7 минг нафарни ташкил этган. Ушбу кўрсаткич ўтган 2024/2025 ўқув йилига нисбатан 12,8 минг нафарга ёки 2,3 фоизга ошгани кузатилган.

Таҳлилларга кўра, соҳа ходимларининг гендер таркибида аёллар устунлик қилади: ўқитувчиларнинг 72,5 фоизи ёки 418,8 минг нафарини хотин-қизлар, 27,5 фоизи ёки 158,9 минг нафарини эркаклар ташкил этган.

Ҳудудлар кесимида умумий ўрта таълим муассасаларидаги ўқитувчилар сони қуйидагича тақсимланган:

Самарқанд вилояти — 65,1 минг нафар;

Қашқадарё вилояти — 65,1 минг нафар;

Фарғона вилояти — 60,6 минг нафар;

Сурхондарё вилояти — 52,3 минг нафар;

Андижон вилояти — 46,3 минг нафар;

Наманган вилояти — 42,6 минг нафар;

Қорақалпоғистон Республикаси — 40,7 минг нафар;

Тошкент вилояти — 40,2 минг нафар;

Хоразм вилояти — 35,1 минг нафар;

Тошкент шаҳри — 34,1 минг нафар;

Бухоро вилояти — 33,4 минг нафар;

Жиззах вилояти — 25,7 минг нафар;

Навоий вилояти — 22,3 минг нафар;

Сирдарё вилояти — 14,2 минг нафар.

М.Қосимова, ЎзА