Москвадаги 9 май паради ҳарбий техникаларсиз ўтказилиши мумкин (+видео)

Нетаньяҳуга афв рад этилди, АҚШда отишма, Москва паради чекланиши мумкин

<iframe width="650" height="420" src="https://www.youtube.com/embed/l-ydVfyLWnM" title="Netanyaxuga afv rad etildi, AQShda otishma, Moskva paradi cheklanishi mumkin" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Ассалому алайкум. Дунёдаги энг долзарб воқеалар таҳлилида. Исроил президенти Ицхак Герцог коррупцияда айбланаётган бош вазир Биньямин Нетаньяҳуни афв этмасликка қарор қилди. Унинг таъкидлашича, бу қарор жамиятда бўлинишнинг олдини олишга қаратилган. Шу билан бирга, АҚШда Дональд Трамп иштирок этган тадбирда отишма содир этган шахсга президентга суиқасдга уриниш айблови қўйилди.

Россия пойтахти Москвада 9-май паради бу йил чекланган форматда ўтиши мумкин. Норасмий маълумотларга кўра, ҳарбий техника иштирок этмайди ва тадбир қисқартирилади. Шу билан бирга, Баҳрайн 69 кишини фуқароликдан маҳрум қилди, улар Эронни қўллаб-қувватлаганликда айбланмоқда. Осиёда эса Индонезия пойтахти Жакартада поездлар тўқнашуви 14 кишининг ҳаётига зомин бўлди.

Европада Сербия Рамзан Қодировнинг жияни Якуб Закриевга фуқаролик берди. Мутахассислар бу каби қарорлар Россия элитаси учун Европа ҳудудига киришни енгиллаштириши мумкинлигини таъкидламоқда. Илмий янгилик сифатида эса Хитойда кўмирдан фойдаланиб, аммо атмосферага зарарли чиқиндилар чиқармайдиган янги турдаги батарея ишлаб чиқилди.

Дунёдаги воқеалар шу билан чекланмайди. Янгиликлар ва таҳлилларни биз билан кузатиб боринг.

Нозимбек Мардонов, Салим Обиджонов ЎзА