Месси терма жамоадаги фаолиятига якун ясади
Аргентина терма жамоаси сардори Лионель Месси миллий жамоадаги фаолиятини расман якунлаганини маълум қилди. 39 ёшли ҳужумчи бу тўхтамга 21 июль куни турнир финалидан икки кун ўтиб келгани, якуний қарорни эълон қилишдан олдин атрофлича мулоҳаза юритганини билдирди.
Футболчи таъкидлашича, бу қарорни қабул қилиш жуда оғир кечгани, аммо айнан ҳозир айни кетиш вақти эканини англаб етган. У ҳар доим майдонда борини бериб ўйнагани, аргентиналик мухлисларга қувонч улашишга ҳаракат қилганини айтиб ўтди. Футболчи йиллар давомида ўзига кўрсатилган чексиз меҳр ва қўллаб-қувватлов учун жамоадошлари, мураббийлар, терма жамоа раҳбарияти ҳамда барча ишқибозларга чуқур миннатдорлик билдирди.
Шунингдек, Лео отаси Хорхе Месси билан боғлиқ сўнгги воқеадан сўнг терма жамоадан кетиш қарори янада қатъийлашганини қўшимча қилди. Миллий жамоага бор кучи ва имкониятини бағишлаб бўлгани, ҳозир жамоада ўрнини эгаллашга лойиқ иқтидорли ёшлар авлоди етишиб чиққанини таъкидлади. Эндиликда афсонавий футболчи ўз ватани терма жамоасини оддий мухлис сифатида қўллаб-қувватлашини билдириб, аргентиналик бўлиб туғилганидан фахрланишини айтиб ўтди.
Ф.Яхшибоева, ЎзА
