Кореянинг электроника компанияларида амалиёт ўтаётганлар сони оширилади
Давлатимиз раҳбари “Nura Electric” корхонасида муҳандислик ишланмалари ва дуал таълимга катта эътибор қаратилаётганини қайд этди.
Корхонада 100 нафарга яқин муҳандис-конструктор ва технолог ўз ишланмаларини амалиётга жорий этмоқда. Яна 50 нафар талаба дуал таълим асосида ишлаб, ҳам маош олмоқда, ҳам амалий тажриба тўпламоқда.
Юқори қўшилган қийматли маҳсулотлар ишлаб чиқариш ва технологик ривожланиш учун замонавий муҳандислар, конструкторлар ва илмий ишланмалар ҳал қилувчи аҳамиятга эга экани таъкидланди. Ҳозирда техника олийгоҳларининг 20 нафар талаба ва тадқиқотчиси Кореядаги электроника корхоналарида таълим олмоқда. Уларнинг сони яқинда 100 нафарга етказилади.
ЎзА
