Ижодкорлар шахмат мусобақасида беллашди (+видео)
“Ишонч” газетасининг 35 йиллиги муносабати билан ижодкорлар ва журналистлар ўртасида рапид йўналишида Ўзбекистон касаба уюшмалари федерацияси ташаббуси билан шахмат мусобақаси ташкил этилди.
Турнирда иштирокчилар бир-бирига таниш бўлган қаламкашлар. Кундалик тадбирларда, анжуманларда учрашиб туриш бошқа-ю, шахмат тахтаси устида рақобат қилиш бошқа. Таниқли ёзувчи ва шоирлар, журналистлар ақл гимнастикасида қанчалик тайёргарлик кўрганликлари, қанчалик тез ва тўғри қарор қабул қилишлари яна бир бора синовдан ўтди.
[gallery-28357]
Қизиқарли бахслар рапид йўналишида 7 турдан иборат бўлиб, ҳар бир иштирокчига 3 дақиқа вақт берилади. Шунда вақтдан унумли фойдаланган ижодкор ғолиб бўлади. Дўстона ва қизғин кечган бахсларнинг якуний натижаларига кўра истеъдодли журналист Талъатбек Примов тезкор шахматда тенгсиз эканлигини исботлаб, биринчи ўринга сазовор бўлди. Кейинги ўринни устоз ижодкор Акбар Нурматов банд этди.
Айтиш керакки мусобақа барчага юқори кайфият бахш этди. Ғолибларга диплом ва эсдалик совғалари тақдим қилинди.
<iframe width="560" height="315" src="https://www.youtube.com/embed/G6x861vsjXs?si=fWTkjdoi0HVgr9jI" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Санжар Тошпўлатов, Нишонбой Абдувойитов, Улуғбек Тўхтаев,
Фарҳод Абдурасулов (сурат),ЎзА
