Хитой АҚШ компанияларига чеклов жорий қилди
Хитой ва АҚШ ўртасидаги савдо-иқтисодий зиддият янги босқичга чиқди. Хитой Савдо вазирлиги Американинг 10 компаниясига нисбатан экспорт чеклови жорий қилди. Бу ҳақда WSJ хабар берди.
Қайд этилишича, мамлакат Молия вазирлиги Қўшма Штатларнинг 46 компанияси маҳсулоти давлат харидида қўлланишини тақиқлади.
Маълумотга кўра, Хитой Савдо вазирлиги экспорт назорати рўйхатига АҚШнинг бир қатор саноат ва мудофаа соҳасига алоқадор бизнес тузилмаларини киритган. Бу рўйхатда ноёб металл ишлаб чиқарувчи “MP Materials” ва “USA Rare Earth”, шунингдек муҳандислик ва дрон технологияси билан шуғулланувчи корхоналар ҳам бор.
Расмий Пекин мазкур қарорни миллий хавфсизликни таъминлаш, халқаро мажбуриятга риоя қилиш ҳамда оммавий қирғин қуролини тарқатмаслик билан боғлиқ талаб билан изоҳлади.
Д.Ҳакимов, ЎзА
