Эфиопияда парламент сайлови натижаси эълон қилинди
Эфиопияда бўлиб ўтган парламент сайловининг дастлабки натижасига кўра, Бош вазир Абий Аҳмад раҳбарлигидаги “Тараққиёт партияси” яна сезиларли устунликка эришди.
Миллий сайлов кенгаши маълумотига кўра, партия эълон қилинган ўринларнинг 438 тасини қўлга киритган. Бу қуйи палатада кўпчиликни шакллантириш учун талаб қилинадиган 274 ўриндан анча юқори кўрсаткич.
2018 йил оммавий норозилик ортидан ҳокимиятга келган Абий Аҳмад 2019 йил мамлакатни кўп йил бошқарган коалиция ўрнида “Тараққиёт партияси”ни ташкил этди. Кузатувчилар фикрича, мазкур сиёсий тузилма ҳукумат етакчисининг миллий сиёсатдаги ўрнини янада мустаҳкамлашга хизмат қилди.
Д.Ҳакимов, ЎзА
