Европа Парламенти Трампнинг қўнғироғидан сўнг чиқарилган ФИФА қарори бўйича тергов ўтказишга чақирди
“Politico” нашри хабар беришича, Европа Парламентининг етмиш икки аъзоси АҚШ терма жамоаси ҳужумчиси Балогунга қўйилган тақиқ бекор қилингандан сўнг ФИФА президенти Жанни Инфантинога нисбатан тергов ўтказишга чақирди.
Аъзолар 27 Европа Иттифоқи мамлакатлари футбол ассоциацияларига терговни қўллаб-қувватлашга чақирувчи хат йўллади. Мактубда турнир чоғи ФИФА қабул қилган қизил карточка учун дисквалификация қоидасини ўзгартириш тўғрисидаги қарор АҚШ Президенти Дональд Трампнинг ташкилот раҳбарига қилган қўнғироғидан сўнг амалга оширилгани таъкидланган.
– ФИФАнинг бу қадами шармандалик ва адолатни бузишдир, – деди ЕП аъзоси Эндрю. – Яна бир бор Инфантино ва ФИФА Трамп маъмурияти талабига бўйсунганини кўрдик.
Ташаббус муаллифлари "ЕИ мамлакатлари миллий футбол ассоциациялари ФИФА раҳбариятини ташкилотнинг ахлоқ кодексига мувофиқ жавобгарликка тортишга мажбур"ликларини эслатган.
Аҳамиятли жиҳати шундаки, бу хат Европарламентдаги 6 сиёсий гуруҳдан энг кўп – 72 аъзо томонидан имзоланган.
С.Раҳимов, ЎзА
