Африка футболчилари бедарак йўқолишда давом этмоқда
Африка қитъасининг Эритрея терма жамоаси халқаро ўйинлардан сўнг футболчиларининг йўқолиши билан яна диққат марказида. Гап шундаки, жамоанинг ғалабасига қарамай, 7 нафар футболчи ватанга қайтмаган.
Эсватинига қарши бўлиб ўтган ўйиндан сўнг, давлат оммавий ахборот воситалари бедарак йўқолган футболчилар сабабли жамоанинг ютуғини эълон қилмади.
Эритрея спорт ва маданият комиссияси вакили ижтимоий тармоқларда фотосуратлар жойлаштирди, аммо уларда сафардан қайтган футболчиларгина кўрсатилди.
Бундай ҳолат Эритрея футбол тарихида илк марта рўй бераётгани йўқ. 2019 йилда Угандада бўлиб ўтган Шарқий Африка чемпионатида ёшлар терма жамоасининг етти нафар футболчиси ўйиндан сўнг бедарак йўқолган. 2015 йилда эса ўн нафар футболчи Ботсванага сафардан сўнг ватанга қайтишдан бош тортишган. 2013 йилда Уганда ҳукумати 15 нафар эритреялик футболчи ва жамоа шифокорига бошпана берган. Янаям қизиғи, 2009 йилда мураббий ва расмий вакилдан ташқари бутун терма жамоа таркиби Кениядан қайтмаган.
Ф.Яхшибоева, ЎзА
