Tramp nima dedi?
AQSH Prezidenti Donald Tramp Nyu-York meri Zuhron Mamdaniy bilan uchrashuvdan so‘ng jurnalistlar bilan muloqot qildi. U prezident tadbirlarini yoritishdan to‘xtagan telekanallarni nazarda tutib, “Ular meni hech qachon boykot qilmaydi”, dedi.
Boykotga esa Oq uyning CNN, MS NOW va “Politico” jurnalistlari hududga kirishi taqiqlangani sabab bo‘lgan. Shundan so‘ng prezidentlik teleko‘rsatuvlar puli tarkibidagi ABC, CBS, CNN, “Fox News” va NBC Tramp tadbirlarini navbat asosida yoritishni vaqtincha to‘xtatishga qaror qildi. CNN navbatini boshqa kanalga berish ham rejalashtirilmagan.
Mamdaniy Tramp bilan uchrashuvdan keyin barcha jurnalistlar tadbirda ishtirok etishi mumkinligini aytdi. Oq uy esa taqiqlangan nashrlar jurnalistlariga axborot tarqatish huquqi saqlanib qolishi, ularga maxsus akkreditatsiya va matbuot hududiga kirish kafolatlanmasligini bildirdi. CNN, MS NOW va “Politico” ma’muriyat qarorini sudga berib, matbuot erkinligiga oid konstitutsiyaviy huquq buzilganini ta’kidlagan.
Musulmon Ziyo, O‘zA
