“Сохта сайлов” даъвоси: Трамп Бразилиядан шубҳада
Президент Дональд Трамп Бразилиядаги сайлов натижасини далил келтирмасдан шубҳа остига олиб, овоз бериш жараёни сохталаштирилганини тахмин қилди. Бу баёнот сўнгги сайловларда ўнг қанот номзодлари муваффақият қозонаётган Жанубий Америкадаги сиёсий ўзгаришлар асносида янгради.
Трамп журналистларга сайлов “жуда ёмон кўрингани” ва “яна бир сохталаштирилган сайловга ўхшагани”ни билдирди. У бирор номзодни қўллаб-қувватламаганини айтган бўлса-да, натижа ишончли бўлиши шартлигини таъкидлади. Ўнг қанот номзоди Флавио Болсонару эса дастлаб Луис Инасиу Лула да Силванинг ғалабасини тан олишдан бош тортган ва сайловни бекор қилишга чақирган. Кейинроқ у мухолифат ташкил этишини маълум қилди.
АҚШ Жанубий Америка сайловларида доим ўнг қанот сиёсий кучларини олқишлаб келмоқда. Трамп ўтган ҳафта минтақадаги сиёсий йўналиш чапдан ўнгга ўзгараётганини айтиб, ўзи қўллаб-қувватлаган номзодларнинг барчаси ғалаба қозонганини даъво қилган эди.
Флавио Болсонару ижтимоий тармоқдаги видео мурожаатида Бразилиядан чиқиши тақиқлангани, паспортини топшириш бўйича огоҳлантириш олганига урғу берди.
Мусулмон Зиё, ЎзА
