Олигархлар Путин билан учрашгач, бюджетга 220 млрд рубль ўтказди (+видео)
АҚШ президенти Дональд Трамп май ойида Пекинда бўлиб ўтган саммитда Хитой раиси Си Цзиньпиндан Россия президенти Владимир Путинга таъсир ўтказиб, Украинадаги урушни тўхтатишда кўмаклашишни сўраган. South China Morning Post маълумотига кўра, у музокаралар боши берк кўчага кириб қолганини таъкидлаб, Хитойни Россия ва Украина ўртасида мулоқотни тиклашга чақирган.
<iframe width="650" height="420" src="https://www.youtube.com/embed/luD4OjTYNNc" title="Oligarxlar Putin bilan uchrashgach, byudjetga 220 mlrd rubl o`tkazdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Россиялик йирик тадбиркорлар президент Владимир Путин билан ёпиқ учрашувдан сўнг давлат бюджетига 220 миллиард рубль ўтказган. Бу маблағлар уруш шароитида қўшимча молиявий ёрдам сифатида сўралган бўлиб, йил охиригача тушумлар 300 миллиард рублга етиши мумкинлиги айтилмоқда.
Франция Исроилнинг Парижда ўтказиладиган Eurosatory мудофаа кўргазмасида тўлиқ иштирокини чеклади. Исроилга миллий павильон ташкил этиш ва ҳукумат вакилларини юбориш тақиқланган, фақат айрим тизимларни намойиш этишга рухсат берилган.
CEPI Moderna ва бошқа гуруҳларга Эбола вирусининг Bundibugyo штаммига қарши вакцина ишлаб чиқиш учун 60 миллион доллар ажратди. Конго ДР ва Угандада касаллик ҳолатлари қайд этилган, Gavi ва Жаҳон банки ҳам қўшимча молиявий ёрдам ажратган, Хитой эса тиббий гуруҳ юборишини эълон қилган.
Европа Иттифоқи миграция сиёсати бўйича янги регламентни келишиб олди. Унга кўра, бошпана рад этилган мигрантлар учинчи давлатлардаги марказларга юборилиши, қайта кириш тақиқлари ва депортация чораларини кучайтириш режалаштирилган.
Австрия пойтахти Венада Суриянинг собиқ режими даврида хизмат қилган икки юқори лавозимли хавфсизлик амалдори устидан суд жараёни бошланди. Улар қийноқ ва зўравонликларда айбланмоқда, судда 18 нафар жабрланувчи кўрсатма беради.
Нозимбек Мардонов, Салим Обиджонов ЎзА
