Марказий Осиё атроф-муҳитидаги ўзгаришларнинг ягона минтақавий атласи яратилади (+видео)
Остона шаҳрида бўлиб ўтган Минтақавий экологик саммит Марказий Осиё давлатлари ўртасидаги экологик ҳамкорликни сифат жиҳатидан янада янги босқичга кўтаради. Саммитда Президентимиз томонидан илгари сурилган таклиф ва ташаббуслар минтақа экологик сиёсатида ўзаро ҳамжиҳатликни мустаҳкамлаш, барқарор яшил тараққиётга эришишда алоҳида аҳамиятга эга.
Бу ҳақда Олий Мажлис Қонунчилик палатаси депутати, Экофракция аъзоси Ойбек Раҳимов ўз муносабатини билдирди.
Депутат қайд этганидек, Ўзбекистон экологик барқарорликни шакллантириш бўйича аниқ мақсадли ва тизимли чора-тадбирларни амалга оширмоқда.
«Яшил макон» лойиҳаси доирасида қарийб 1 миллиард туп дарахт ва бута экилди. Орол денгизининг қуриган тубида 2 миллион гектардан ортиқ майдонда ўрмонзорлар барпо этилиб, янги «яшил белбоғ»лар яратилмоқда.
Сувни тежаш борасидаги кенг кўламли саъй-ҳаракатлар натижасида Ўзбекистон йилига 10 миллиард куб метр сувни иқтисод қилмоқда.
Давлат раҳбарининг ҳар бир таклиф ва ташаббуси минтақа экологияси барқарорлигига хизмат қилади.
<iframe width="640" height="420" src="https://www.youtube.com/embed/XeaubF67DPE" title="Markaziy Osiyo atrof-muhitidagi o`zgarishlarning yagona mintaqaviy atlasi yaratiladi " frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Муҳтарама Комилова, Улуғбек Тўхтаев(видео), ЎзА
