“Manchester Siti” transfer oynasi yopilishidan oldin yangi markaziy himoyachi sotib olmoqchi
Natanga qiziqish faqat “Manchester Siti” bilan cheklanmayapti.
“Manchester Siti” yozgi transfer oynasining qolgan qismida himoya chizig‘ini kuchaytirishga e’tibor qaratmoqda. “Shaharliklar”ning asosiy nishonlaridan biri “Betis” markaziy himoyachisi Natan bo‘lib turibdi.
Insayder Ekrem Konurning ma’lumotiga ko‘ra, 25 yoshli braziliyalik futbolchining transferiga “Siti” bosh murabbiyi Enso Mareska shaxsan qiziqish bildirmoqda. Mutaxassis Natanning o‘yin uslubi o‘z jamoasiga mos kelishiga ishonmoqda.
Biroq braziliyalik himoyachini qo‘lga kiritish uchun manchesterliklar sezilarli mablag‘ sarflashiga to‘g‘ri kelishi mumkin. Avvalroq “Fulhem” Natan uchun 30 million yevro taklif qilgan, ammo “Betis” bu summaga rozi bo‘lmagan. Ispaniya klubi futbolchisini 40 million yevro atrofida baholamoqda.
Natanga qiziqish faqat “Manchester Siti” bilan cheklanmayapti. “Barselona” va “Tottenhem” ham himoyachi bilan bog‘liq vaziyatni kuzatib bormoqda.
Braziliyalik futbolchi yangi mavsumda hozircha La Ligada bitta uchrashuvda qatnashdi va gol yoki golli uzatma qayd etmadi.
