Мамлакат кубогида юқори натижалар
Яқинда Тошкент вилоятининг Ўрта Чирчиқ туманида жойлашган Туябўғиз сув омборида академик эшкак эшиш тури бўйича ўсмирлар (“U”-15) ва (“U-19”) ёшлар ўртасида ўтказилган Ўзбекистон кубоги наманганлик спортчилар учун салмоқли бўлди.
Мазкур мусобақада юртимизнинг тўққизта вилоятидан келган 800 га яқин умидли спортчилар қатнашиб, академик эшкак эшишда ўз маҳоратини намоён қилди.
Эътиборлиси шундаки, баҳсларда Наманган Олимпия ва Паралимпия спорт турларига тайёрлаш маркази спортчилари юқори натижаларни қайд этди. Вакилларимиз ўз ҳисобига тўртта олтин, тўртта кумуш ҳамда еттита бронза медалга эга чиқишди.
Бундай ёрқин натижалар вилоятимизда академик эшкак эшиш спорт турини ривожлантириш, ёш ва иқтидорли спортчиларни саралаш ҳамда уларнинг маҳоратини ошириш борасидаги ишларнинг самарасини кўрсатди.
Оқилхон Дадабоев, ЎзА.
